Asosiashon di Guia Curaçao a selebrá 100 Aña di Dia Mundial di Pensamentu
Willemstad, Curaçao – Asosiashon di Guia Curaçao (AGC) orguyosamente a selebrá e di 100 aniversario di Dia Mundial di Pensamentu ku un programa vibrante i signifikante sentrá rònt di tema di e aña aki: “Nos Amistat.” E evento a trese miembronan, lidernan i sostenedornan huntu riba un dia memorabel di reflekshon, union i selebrashon di e hermandat mundial di Guidismo. Nos a keda sorpresá ku un bishita di nos amiga Monique Bijlhout, un guiadó for di Suriname.
E selebrashon a kuminsá ku un parada di bandera, ku miembronan marchando den unifòrm kompleto. E apertura seremonial a honra un siglo di tradishonnan di Dia Mundial di Pensamentu, rekonosiendo e kompromiso duradero di e movementu ku liderazgo, servisio i amistat internashonal.
Un punto kulminante poderoso di e evento tabata liberashon simbóliko di mas ku 110 palomba blanku. E paranan a representá e 10 dékadanan tras di lomba di selebrashon di Dia Mundial di Pensamentu i e kresementu kontinuo di e movementu den futuro. E palombanan ku ta bula a sirbi komo un símbolo konmovedor di pas, speransa, union, i e lasonan duradero di amistat ku ta konektá guianan mucha, hóben i adulto muhé rònt mundu.
Durante henter dia, miembronan a partisipá den diferente aktividatnan interaktivo diseñá pa profundisá nan komprondementu di amistat i e hermandat mundial di Guidismo. Pa medio di seshonnan i weganan edukativo i kreativo, mucha muhé a eksplorá e balornan di konfiansa, koperashon, empatia i solidaridat internashonal ku ta definí e movementu.
E selebrashon a konkluí ku un gesto signifikante: kada miembro a risibí un yabi di nudo di amistat. Komo un símbolo di konekshon i kompromiso, a enkurashá e muchanan pa interkambiá nan yabero ku un otro miembro komo un muestra di e amistat ku nan tin òf e amistat ku nan ta spera di konstruí. E akto simpel pero poderoso aki a reflehá e spiritu di e tema i a reforsá e lasonan formá durante evento.
Ku e selebrashon akí AGC ta sigui invertí den formashon di lider fuerte pa futuro di Kòrsou.