Historia

Patfenderei a keda introdusí na Antia na aña 1930 komo parti di Nederlandse Padvindsters Gilde, abreviá NPG.
Patfenderei na Curaçao a keda lanta pa sra. Van Der Berg i sra. Zonne (dfm).

Sra. An Slockers (dfm) konosí komo Guido Slockers ta e promé padvindster ku a wòrdu instalá i konsiderá tambe e komienso di patfenderei na Antias. Dia di instalashon tabata 30 di mei 1930.

Na 1977 e nòmber di e organisashon a kambia pa Padvindsters Vereniging van de Nederlandse Antillen, abreviá PNA.

Na òktober 2010 ora Kòrsou a bira pais outónomo den reino Hulandes, e organisashon no por a karga Antia mas den su nòmber i a kambia e nòmber i logo dje organisashon. E organisashon a kambia pa Asosiashon di Guia PNA, abreviá AGPNA.

Na mei 2024 e bin ku revishon di logo i nòmber pa asina e organisashon ta mas konosí komo un moveshon di patfenderei di Curaçao. E organisashon a kambia pa Asosiashon di Guia Curaçao, abreviá AGC.

Asosiashon di Guia Curaçao ta un organisashon ku ta traha ku boluntarionan hende muhé i ta traha pa mucha i hóben muhé. Den 2025 e organisashon ta selebrando su 95 aña di eksistensia.