Miembresia

KEN POR BIRA UN ELVITA?

E mucha ku tin:
1.    edat di 4 – 6 aña;
2.    outorisashon di su mayor(nan)
3.    formulario di inskripshon yena i paga e kuota pa inskripshon.

NOMBER

Muchanan di e kategoria aki ta kai bou di e sekshon di elvita di nos organisashon. Di kon e nòmber ei?

Elvita: ta bini di nòmber di un guiadó, un dje pilanan di nos organisashon, sra. Norma Elizabeth- Galaraga, kende tabata guiadó di kabouternan i guianan. Un persona hopi amabel i ku stima mucha masha hopi mes. Tambe e tabata un di e promé guianan ku a instalá na Kòrsou. 
Su nòmber di guia ta Elvi, ku ta nifiká “EEN LICHT VOOR IEDER”
Semper por a yega serka Elvi pa kualke problema. Su karakter kariñoso i trankil a kontagiá  hopi di moda ku semper un problema por tin un kara bunita tambe.

Pa honra e persona aki, PNA a disidí di nombra e sekshon di mas chikí di e organisashon na su nòmber.
Esta ELVITA, e simia di A.G.C.

KONSTELASHON

HARDIN

E hardin di nos elvitanan ta nan lugá di reuní, hunga, etc. E ta e lugá pa hasi tur tarea, kaminda nan por deskribí tur nan abilidatnan durante un programa di máksimo tres i mínimo un ora.

E hardin kompleto ta konsistí di mínimo 15 te máksimo 30 elvita, repartí den 5 simia di 5 pa 6 elvita.
Ta sugerí pa e hardin no ta muchu grandi pero tampoko no muchu chikí.

GUIADONAN

Guiadónan den e hardin di elvita yama:

• Solita: ta e guiado na kabes di e sekshon di Elvita
• Lunita: ta asistí Solita
• Nubiyita: ta asistí Solita
   

KABOUTER - KIKO NAN TA?

Nan ta figuranan chikitu i amabel di kuenta.

Kabouter ta un mucha muhé chikitu amabel, ku gusta yuda otro.
Di kon ta yama nan asina?
Lord Baden-Powell a kuminsá ku guidismo pa mucha hòmber i mucha muhé na Inglatera.  E idea tabata asina popular ku el a plama  riba mundu.

Únikamente mucha muhé grandi por a bira guia, pero nan ruman chikitu tambe kera djòin p’asina nan tambe por a hasi tur e kosnan interesante i eksitante ku nan ruman tabata hasi.  Lord Baden-Powell a yama e chikitunan "Rosebuds" (kònòpi di rosa), pero nan no a gusta e nòmber.  "Rosebuds" ta bunita i nan ta hole dushi, pero nan no ta hasi nada.

P’esei Lord Baden-Powell a pensa hopi, despues el a kòrda tur e historianan ku na mucha el a tende na mucha di un pueblo yamá Kabouter.  Nan tabata figuranan chikitu di kurpa, kontentu, servisial i nan tabata hasi kosnan interesante.  Nan tabata yuda hende na tur sistema, i nan tabata hasi e hendenan kontentu.  Ta esei e tabata ke pa su chikitinnan, i el a disidí di yama nan kabouter.

KEN TA E GUIA

Ta e mucha hóben ku edat entre 10 pa 18 aña.

E ta drenta komo  guia aspirante. Su vestuario ta un saya blou skur, un blusa blanku, mea blanku i sapatu pretu será.

Den diferente aktividatnan ku AGC ta ofresé e mucha hóben aki ta yuda  forma un mucha muhé fuerte, saludabel i semper kontentu i alegre.

Huntu ku nos bo ta sera amistat ku mas mucha muhé yòn di bo edat.